WASHINGTON, DC —
Hukumar gudanarwa ta kwallon kafar kwararru ta Najeriya, ta bada tabashin cewa an amince da komowar kungiyar kwallon kafa ta Giwa F.C cikin harkokin gasar kwallon kafa a Najeriya.
Idan za’a iya tunawa ita dai kungiyar Giwa F.C, an dakatar da ita ne bayan ta kauracewa wasani ukku a jere abinda ya sabawa dokar hukumar mai lambar B13.28.
Shugaban hukumar Shehu Dikko, ya ce sun dauki matakin maido da kungiyar ta Giwa F.C, ne bisa bin umarni kotu, mai zama a Jos, da ta umarci hukumar data maido da kungiyar.
Haka kuma umarnin kotun ya kara da cewa duk ‘yan wasan kungiyar da suka koma wata kungiya biyo bayan dakatar da Giwa F.C, da aka yi su dawo kuma hukumar ta tabatar cewa Giwa F.C, ta buga wasaninta na baya.