WASHINGTON D.C —
Sabon dan wasan Man Utd Zlatan Ibrahimovic ya jefa kwallon sa ta farko a wasansa na farko a Kungiyar Man Utd dake Ingila a cikin minti 4 da fara wasan.
Wannan ya kasance ne a wasan sada zumunci da suka buga da Kungiyar Galatasaray ranar asabar, inda kungiyar Man Utd ta lallasa su daci 5-2.
Ibrahimovic yace yazo Kungiyar ne da niyar taimakawa da duk wata hanyar da yasan zata kawo wa kungiyar ci gaba.
Ya kuma kara da cewa yunkurin da Man Utd ke yi na sayen dan wasan Juventus Paul pogba, yana goyan bayan zuwansa kungiyar domin zai kara wa Kungiyar kwarin gwiwa sosai wajan ganin ta farfado.
