Masu iya magana kance "Sallah bukin rana daya" kimanin milliyoyin mutane suka ziyarci masallatan idi, a baki daya kasar Amurka. Kamar yadda addinin musulunci ya tanada, bayan kammala azumin watan Ramadana, musulmai kanje masallacin idi don gabatar da sallar idi.
A nan kasar Amurka ma, ba'a bar musulmai a baya ba. Wakilin DandalinVOA Yusuf Aliyu Harande, ya ziyarci karamar hukumar Indian a jihar Pennsylvania a kasar Amurka, inda ya samu zantawa da wasu musullmai.
A masallacin akasarin mutanen dake masallacin 'yan kasashen waje ne, sukan gudanar da bukin sallar su dai-dai al'adun su. Abun sha'awa da kauna shine, yadda mutane da su kazo daga wasu kasashe daban-daban a fadin duniya kan hadu da wasu, da kawo abinci iri daban daban don kara dankon zumunta.
Yara kuwa akan sa musu kaya irin na kasar su, da bada goron sallah ga yara wanda suka hada da kayan ciye-ciye da abubuwan wasa. Daga bisani kuma jama'ar karamar hukumar kan hadu da sauran jama'a, na yankin da suka hada da musulmai da ma wadanda ba musulmai ba, don kyautata dangantaka, hakama sukan daho abincin kasashen su don nuna irin nasu al'adun da kaya haka da abinci.
