Shugaban kungiyar kwallon kafar Manchester United, Louis Van Gaal yayi kakkausan lafazi ga ‘yan wasan na kungiyar ta shi, bisa ga abun da ya kira rashin kwazo na ‘yan-wasashi a wata gwabza da sukayi da ‘yan wasan Newcastle a ranar Talata da ta gabata.
‘Yan wasan na Manchester United sun saka kwallaye 2, amma daga bisani suka yi sakaci har su kayi kunnen doki da ci 3-3 duk da kokarin dan-wasannan Rooney a wasan da suka buka a filin kwallon St James park.
Shugaban dai Van Gaal, yace ai kamata yayi ace ‘yan wasan nashi sun saka kwallaye 6, domin kuwa sune Kulob din da sukafi kowannen a duniya, shiyasa rashin nasarar yake da zafi matuka, don rasa wannan makin mai tsada nada ciwo.
Hakan dai kamar yana nuni da gazawa daga bangaren mu…
Shugaban dai ya kara da cewar, kungiyar ta lashe wasa 1 cikin 8 na wasan zakarun. Yace gaskiaya baiji dadi ba. Bamuji dadiba ko kadan. Ai kamata yayi ace mun dade da gama wannan wasan, amma bamuyi hakan ba, wannan ina Magana ne kai tsaye da ‘yan-wasan na klob dina.
