A shirin Ilimi mabudin rayuwa na yau, mun samu tattaunawa da Mr. Yunana Ahmed, matashi dan karamar hukumar Das a jihar Bauchi, yana karatun Digirin Digir-gir a fannin da ake kira "Rhetoric,Theory, Culture" a jami'ar jihar Michigan ta nan kasar Amurka.
Wannan karatu da ya keyi, yana da alaka da yadda ake rubutu da zai yi dai-dai da al'adu da dabi'un al'umma. Musamman ga shugabanin a cikin jama'a. Ya fara da bayyana matsalolin matasa a Najeriya, ganin cewar shi ma dan Najeriya, ne kuma malami a jami'a jihar Gombe. Yace mafi akasarin matasa basu da zullumin neman ilimin zamani don dogaro da kai.
Mafi akasarin matasa kan dubi cewar idan nayi karatun nan mai zan zama a rayuwa, sukan manta da amfanin karatun ba wai kawai don cigaban kansu bane, yakamata ace su dinga tunanin yaza suyi su taimakama cigaban kasa bakidaya. Ya jawo hankalin matasa da su gujema duk wasu abubuwa da zasu haddasar da koma baya ga al'umar kasa.
