Idan har mutun na tunanin cewar, ya gama ganin komai da ya shafi kwallon kafa, to da sauran shi! Wani abun rashin tunani da ya faru, a lokacin da ake gudanar da wasa a tsakanin wasu kananan kulob a kasar Brazil, a karshen sati. Alkalin wasa, ya fito da bindiga lokacin da wasa ya kacame.
Hakan dai ya faru ne a dai-dai lokacin da wani dan-wasa mai suna Amantesde Bola, ya fuskanci rashin jituwa a tsakanin shi da abokan wasan su. Shi dai dan-wasa Amantesde Bola, ya harbi Alkalin wasan Murta, har da mari, wanda dan-wasan yake ganin yakamata ace alkalin wasan yabama abokan hamayyar su, jan kati, a wata keta da dan-wasan yayi mishi, amma hakan bai samu ba.
Ashe dai alkalin wasan Murta, dan-sanda ne, ya shiga dakin da ake canza kaya, sai kawai aka ga yafito da bindiga a hannun shi, ya na nunama ‘yan-wasan. Yanzu haka dai alkalin wasan, zai ga likitan sanin hallayyan dan’adam, wato "Psychologist" a turance, kamin kungiyar alkalan wasa ta kasan ta san menene hukuncin da za’a yanke mishi.
