Kocin Manchester United Louis Vaan Haal ya ce bai san inda fitaccen dan wasansa Angel Di Maria ya ke ba, wanda dan wasa ne da aka sayo da tsada.
Wadannan kalamai na Vaan Haal na zuwa ne a daidai lokacin da Di Maria wanda tsohon dan wasan Real Madrid ne, ke shirin canja sheka zuwa kungiyar Paris Saint Germain da ke Gasar Faransa ta Ligue One.
Jaridar Punch ta ruwaiot cewa wannan labari ya bayyana ne a shafin jaridar nan ta Goal.com da ke fitowa a shafin intanet inda ta kara da cewa Di Maria bai halarci atisayen da aka shirya na ranar 25 ga watan Yuli ba kuma baya cikin tawagar abokanan wasansa da suka ziyarci San Jose ba kamar yadda aka tsara.
Vaan Haal ya kara da cewa, tun a lokacin da PSG ta doke Man U da ci 2-0 a wani wasan ta da tsumi a birnin Chicago da ke Amurka a daren ranar larabar da ta gabata, aka nemi Di Maria aka rasa.
Hakan na kiuma faruwa ne a daidai lokacin da Manajan PSG Laurent Blanc ya bayyana cewa sun yi nisa da tattaunawa da dan wasan kan yunkurin da suke yi su sayeshi.
