WASHINGTON, DC —
Shugaban Najeriya, Janar Muhammadu Buhari, ya kori manyan hafsoshin sojan kasar, kuma ana shirin bayyana sunayen wadanda zasu gaje su.
Wakilin Muryar Amurka, Umar Faruk Musa, yace kakakin shugaban, Femi Adesina, ya fada cikin tattaunawarsa da 'yan jaridar fadar shugaban fazu cewa lallai an sallami manyan hafsoshin kuma ana shirin fitar da sanarwa kan wadanda zasu maye gurabunsu.
Da ma an jima ana tsammanin cewa sabon shugaban na Najeriya zai saukar da manyan hafsoshin, musamman ma ganin yadda har yanzu an kasa shawo kan rigimar Boko Haram duk da makudan kudaden da aka akashe kan harkar tsaro a kasar.
