Wakiliyar Sashen Hausa Zainab Babaji, ta bada labarin cewa wani mai gadi a wata Majami'a dake birnin Jos, ya sami rauni bayan da ya jefar da wata leda da aka bari a kofar shiga cocin, ya dauke ledar ya jefar da ita, a lokacin ne abun fashewa dake cikin ledar wadda ake kyautata zaton bam ne ya tashi.
Kamar yadda ta ci gaba da bayani, bam na biyu an ajiye shi ne a bayan daki, amma shi anyi sa'a bai tashi ba.Har jami'an tsaro suka sami nasarar warware shi.
Sakamakon haka ne aka hana masu ibada shiga cocin gudun watakil d a wasu bama-baman da ba'a gani ba.
Babu karin bayani, kan ko akwai karin mutane da suka jikkata sakamakon fashewar data auku.
Idan za'a iya tunawa a makon jiya ne wasu fashe fashe da suka tashi a aharabar wani Masallaci da kuma wani wurin cin abinci suka halaka mutane 40.
