Rahotanni na nuni da cewa, yunkurin dakarun hadin gwiwa da suka kunshi dakarun Najeriya, da Nijar, da Kamaru da kuma Chadi dake yunkurin kakkabe 'yan kungiyar Boko Haram daga Gwoza ya fara cimma nasara.
BInciken da wakilin Sashen Hausa Sanusi Adamu ya gudanar na nuni da cewa, mayakan kungiyar Boko Haram sun fara gujewa garin na Gwoza zuwa dajin Sambisa tare da sako mata da 'yammata da suke garkuwa da su.
Daya daga cikin matan da suka tsallake rijiya da baya, bayan sun shafe watanni biyu a hannun 'yan kungiyar Boko Haram, ta shaidawa wakilin Sashen Hausa, Sanusi Adamu cewa, ita da 'ya'yanta mata biyu na daga cikin matan da kungiyar ta tasa keyarsu da nufin aurensu duk da yake daga cikinsu akwai wadanda suka yi aure. yayinda kungiyar ta zargeta da cewa tana boye 'ya'yanta mata a daki, yayinda ita kuma take zama ba miji.
Ga ci gaban rahoton.
