Shahararren dan wasan gaban nan na Mancheter City Samir Nasri, ya ce Chelsea fa ba wani Club ne na musamman ba, sannan ya ce Club din na Chelsean, wanda ke kan gaba gasar Premier League, zai kwabsa.
Baraden Jose Mourinho na da maki 7 bisa ‘yan Manchester City, a yayin da gasannin da su ka rage 13 ne. Kulob din Chelsea ya ci kwallaye 55 fiye da kowani Kulob da ke wannan rukunin gasar a wannan kakar wasa,
Amma fa gwarazan London dinnan, ba wani burge Nasri su ke ba, duk kuwa da canjaras din da su ka yi da ‘yan Manchester City sau biyu a wannan kakar wasa.
“Ni mai sha’awar Mourinho ne sosai, to amma Kulob dinsa bai burge ni ko kankani,”haka wannan ba-Faranshen ya gaya wa kafafen labaran Burtaniya. Ya kara da ce, “Mun yi wasa da su so biyu, a wani lokaci ma da mutane 10 kawai, kuma mun burge fiye da su. Sannan mun sake fafatawa da su a Stamford Bridge, anan ma mun wajajjaga su.”
Nasri ya yi imanin cewa, Kulob din Manchester City zai zama zakara muddun makinsa ya kai 90 zuwa karshen kakar wasannin – to amma fa a yanzu ya gaza hakan da maki 38 a yayin saura maki 39 ne kadai su ka rage ya yi gasar cinsu.
