Jami’an gwamnatocin kasashen Ingila, Jamus da Netherlands sun gargadi mutanensu dake zaune a birnin Benghazi na kasar Libya da cewa suyi sauri su fice daga garin bayan wata sanarwar da aka bada na nuna cewa ana dab da soma kai hare-haren akan mutanen kasashen Yammacin Turai.
Ministocin harakokin wajen kasashen uku ne suka bada wannan jan kunnen yau Alhamis, inda har na Ingila ya nuna cewa ana sa ran a kai wasu daga cikin hare-haren akan wuraren da aka san turawan yammaci na yawan zuwa.
Wannan gargadin yana zuwa ne kwana daya bayanda sakatariyar harkokin wajen Amurka Hilary Clinton ta bada sheda a gaban majalisar dokokin Amurka kan farmakin da aka kai ran 11 ga watan Satumbar bara akan karamin ofishin jakadancin Amurka dake can Benghazi, inda a ciki har aka kashe jakadan Amurka Christopher Stevens da wasu Amurkawa ukku.
Ministocin harakokin wajen kasashen uku ne suka bada wannan jan kunnen yau Alhamis, inda har na Ingila ya nuna cewa ana sa ran a kai wasu daga cikin hare-haren akan wuraren da aka san turawan yammaci na yawan zuwa.
Wannan gargadin yana zuwa ne kwana daya bayanda sakatariyar harkokin wajen Amurka Hilary Clinton ta bada sheda a gaban majalisar dokokin Amurka kan farmakin da aka kai ran 11 ga watan Satumbar bara akan karamin ofishin jakadancin Amurka dake can Benghazi, inda a ciki har aka kashe jakadan Amurka Christopher Stevens da wasu Amurkawa ukku.
