Makkah, Saudiyya - Miliyoyin mutane ne suka hallarci Sallar Idi a garin Makkah a yau da ke zama daya ga watan Shawwal bayan hijirar Manzon Allah Muhammad SAW.
Wasu ‘yan Najeriya da suka yi nasarar samun wannan dama, sun bayyana farin ciki ganin ranar, musamman ma a kasar Saudiyya, duba da cewa shekaru biyu da suka wuce ba a sami damar yin aikin Umrah da Hajj ba saboda annobar coronavirus.
Sai dai wani abun mamaki shi ne yadda mutane suka yi saurin watsi da ka’idojin takaita yaduwar cutar COVID-19 a wannan rana ta wajen cudanya, wadda ita ce daya daga cikin hanyoyin da ake saurin kamuwa da cutar da aka yi fama da ita a kasashe da dama, ciki har da Saudiyya.
Wata ‘yar Najeriya da ta je Umrah ta yi addu’ar ganin karshen annobar COVID gaba daya.
Saurari cikakken rahoton cikin sauti.
